#Pigin: Kennis Music Neva Kpai-Baba Keke

The Oga patapata of that Naija music pipu wey every person wey dey sing wan join that time, Kenny Ogungbe, A.K.A Baba Keke don talk say “na lie, Kennis music neva kpai, in fact e no fit kpai lai lai. Make una no mind all those bad belle pipu wey dey yan dust.”

Oga Keke, wey neva tey wey hin open Radio station-Kennis Radio for Arepo, Ogun State say “even if our ogbonge singers don commot finish, e no mean say we don finish. Our company just wan become born again.”

Very soon, like Bible say “Old thing shall pass away and every tin go become new again,” the man wey say make them dey call am ‘World Famous’ come talk last last.

Make una no forget say starting from 2Baba; Sound Sultan and hin senior broda, Baba Dee; Paul ‘Play’ IK Dairo, KC Presh, Jaywon come reach Joe El, all of them don commot finish.