#Wetin Stars Eye Dey See: Some Pipu Wan Kill Sake of Say I do Toyin Tomato-Sola Sobowale

Today for wetin actors and musicians eyes dey see, one of Naija’s Ogbonge actress, Madam Sola Sobowale talk say some pipu swear to God say until them kill am dem no go rest becos she too wicked for that Super Story film wey she follow act.

The legend, as Oyibo pipu dey call am yan My Backyard Story say “no be small tin o. Some of them first stone me as I dey waka for road, some join hand together dey curse my ‘enemy’. The one wey fear me pass na the pipu wey swear say until them finish me, them no go rest.”

Madam Sola come talk say, no be say I vex sha. “I use style happy sake of say, if I no do my work wel wel for the film, pipu no go see am like say na so I be true true. So I tank Baba God for the power wey hin give me to act.”

E done tey wey wey Madam Sola ja go London becos say she no wan dey far from her family wey dey live there. Na once once she dey come house come see wetin dey happen.

Na Wetin Celebs eyes dey see!